مستحيل أوصف هوايا
أو شعوري في هواك
وأنا شايفه واحده تانيه
واخده روحي ياملاك
و انا شايفه كل حاجه
مني ضاعت لي معاك
لما فتحت عنيا
والتقيك مش معايا
والتقيت واحده تانيه
سارقه قلبي و روحي مني
فجأه حسيت غصب عني
قلبي والع كله نار
فجأه حسيت بانكسار
كل شئ ف عيوني ضاع
كل شئ اصبح مشاع
حب عمري و السنين
والاماني و الحنين
فجأه حسيت بانهيار
تعبي عمري ف اندثار
حتي رجل ف انحدار
والحياه بقيت مرار
فجأه لف الكون ده بيا
والحياة صعبت عليا
حتي رحت لدنيا تانيه
كل شئ مر ف ثواني
ذكرياتي والاماني
وأما شفتك جنب منها
ضحكه منك ضحكه منها
وأنت بتخون حبي ليك
وهي دايبه عشق فيك
وانت بتغازل جمالها
كنت تايه ف دلالها
كنت بتقول شعر فيها
وأنت ماسك ف ايديها
أما أنا كنت واهمه نفسي بيك
كنت ب أعشق نور عنيك
كنت ب أتنفس هواك
كنت ب اتسند عليك
كان بيفرح قلبي بيك
كنت لما أغير عليك
قلبي كان يسبقني ليك
يجري و يضلل عليك
كنت أحس بشوق اليك
كنت بحلم حتي بيك
قبل ما تغمض عنيك
والنهارده شفت غشك
شفت كدبك أو خداعك
وانت بتبيع حبي ليك
والمكان يشهد عليك
ف اللي كان بيني وبينك
والنهارده بعيني شفتك
حتي ما صعبتش عليك
بس خدها كلمه ليك
م النهاردة اترك حياتي
وإنسي حبي وذكرياتي
وانسي اني ابكي عليك
وانسي أتسامح معاك
أو يطاوع قلبي هواك
وانسي أي فرصه تانيه
وانسي مني أي ثانيه
مش هاآمن تاني ليك
مهما تحلف لي بحبك
مهما تبكي اليوم عنيك
مستحيل انسي ان شفتك
وانت بتبوسها ف عنيها
وانت بتبطب عليها
مستحيل ارجع اليك
مهما تطلب مني اسامحك
مهما تبكي عشان اصالحك
مستحيل اقبل بجرحك
ماأنت خنت عهدي ليك
كلمات الشاعر / السيد علي القن
ليست هناك تعليقات:
إرسال تعليق