( هديتي في عيدك يا أمي .. )
كان نفسي انول شرف الشهادة
عشان يقولوا عليكِ يا امه .. أم الشهيد
كان نفسي أقدم لك حياتي كلها في عيدك هدية
مش عباية ، و شال جديد !
كل ما اطلع مأمورية ..
يسبقني ليها دعاكي ليَّ !
ياما شافت الموت عينيا ..
و كل مرة بدون سبب ..
يبعد بعيد !!
و كأن بينه و بيني يا امه ..
سد عالي من حديد !
عايش أنا ببركة دعاكي ..
و كل يوم طول ما انتِ جنبي .. عندي عيد
يا أحلى حب وأغلى قلب في دنيتي
يحميكِ ليَّ ربنا ويمد لي في عمرك يزيد
تأليف / متولي محمد متولي
5 / 3 / 2020 م
دمياط
ليست هناك تعليقات:
إرسال تعليق