((( عشقت القهوه )))
عشقت القهوه علي ايدك
ومن ايدك
بريحة الهيل
وجاز للورد في خدك
يصون ودك
يشد الحيل
عشقت القهوه لجمالك
ومن حالك
بميلك ميل
وقلبي داب في دلالك
ومالك ميل
ياست الكل يانرجس
عبير يهوس ياويلي ويل
باغنيلك مواويلك وباشعلك قناديلك
ف عز الليل
صباحك هيل علي قرنفل
صباحك غير
صباح الورد فيه يزهر جناين جوري
صباح اجمل من السكر
علي المسك علي العنبر
صباح الكل ليه
يشهد بأنه غير
صباح القهوه فيه
تهوي شفايف ورد
وتتمايل في فنجانها
تبوس الخد
انا ليكي باحييكي
كده م القلب
وباعشق قهوتك طازه
ف عز البرد
و باعشق قهوتك دافيه
وباعشق قلبك الصافي
يا ورده بالندي صافيه
بادوب فيكي يامعاليكي
واهنيكي علي فنجانك
المظبوط من القهوه
علي أجمل رسايل حب
كلمات الشاعر/السيد علي القن
ليست هناك تعليقات:
إرسال تعليق