((( بين الماضي والحاضر)))
ما بين الماضي والحاضر
ف ناس بينا بتتواعد
وناس تانيه بتتباعد
وناس تاهت
وناس ضاعت
وناس عاشت
وناس ماتت
وناس الدنيا واخدها
وناس الدنيا لاهياها
وناس عايشه ف متاها
وناس الدنيا غوياها
وناس فاكره الحياه دايمه
وناس صاحيه ومش نايمه
وناس الخير جواها
وناس الشر ده غواها
مابين الماضي والحاضر
حاجات ياما بتتغير
وغيرها كتير كده يحير
وناس عايشه ع اصولها
وناس ناسيه كده جذورها
وناس عايشه كده بطولها
ما فارق مين يجي يزورها
وناس ف الاخره عشمانه
وناس ف الدنيا اه يا أنا
وناس بتاكلها بإهانة
وناس غيرها شبعانه
وناس عينها مليانه
مابين الفجر والعتمه
حاجات ياما تاهت منا
وسط النور والضلمه
وبين الظلم والرحمه
وبين العدل والقسوه
نهار طالع يلف الكون
يزيح العتمه مهما تكون
وتشرق شمس بكره سعيد
ويطرح لينا فكر جديد
مابين الماضي والحاضر
كلمات الشاعر/السيد علي القن
ليست هناك تعليقات:
إرسال تعليق