بكلم نفسي *** بقلم السيدابوطاحون
*********
بكلم نفسي
من ياسي
واودع كل
يوم شمسي
*********
وياما قلت لك خليك
بلاش الغربه تلعب بيك
وقلبي يدق لك وحدك
وحضني كل يوم يناديك
*********
وأقول للدمع ما تبانشي
عشان فيه ناس ما تشمتشي
واروح كل يوم وحدي
واسقي مخدتي ب رمشي
*********
واطبطب كل يوم ع البحر
يكلمني يقول لي الصبر
يهيج الموج كأنه جبال
وشايف في عيوني القهر
*********
وأقول يا سفينة العوده
يا رب تكوني موجوده
وروحي ترد لي تاني
وباقي العمر في سعاده
*********
#بكلم_نفسي
#السيدابوطاحون
#الأخنوم
ليست هناك تعليقات:
إرسال تعليق