منْ عْيونِكْ // الشاعر والمبدع جمال خضور

قطفةشعر.. من (زورق الليل) 

منْ عْيونِكْ..

اتْلَوَّنْ.. هالليلْ.. 

وصارْ يتْغاوىٰ.. 

بعيونوا.. 

وبالعالي..

نِجمْ سْهيلْ.. 

عَ السَّهرة..حَمَْصْ.. 

قهواتوا.. 

وناطرْ مْنِّكْ… 

حٌبّةهيلْ.. 

حاكاني مَرّْا وقلّْي.. 

ياالعاشِقْ متلي مَلْهوفْ.. 

ياماحكايا…

رَحْ نِسْمَعْ.. 

ولهفاتْ شو بدنا.. 

نْشوفْ.. 

صبايا قلوباعِمراني.. 

نغمةحلوة.. 

وغْناني…

وشي عَمْ ترسمْ.. 

عَ الورقة.. 

قلبْ مْطوَّقْ.. 

بِ لٍحروفْ.. 

ومنْ شفافْ الكرزْ.. 

انسَرْقِتْ.. 

لَ خْدودْ الشمسْ الحِمْرا.. 

والصبحْ يْنَدّي جْبينو.. 

لو شافك..

يرْجَعْ مَكْسوفْ…

خَبّْي عيونِكْ ياعيوني.. 

ولاغيري هاللونْ.. 

يشوفْ.. 

     سوريا /جمال خضور