((( كله شئ مكتوب)))
هات الورق والقلم
واكتب في ابياتي
سر الوجود و العدم
مكتوب في أياتي
رب السماء والارض
واحد في كل كتاب
امرنا ليه بالصلاه
ف اليوم خمس مرات
مكتوب علينا الموت
والرزق و الطاعات
و اياك ف يوم تعترض
وارضي بقضاء الله
في كل امر حياه
رب العباد مقتدر
وهب الحياه والجاه
واللي يطيع ربنا
يكسب رضا مولاه
واللي يصلي عليه
يوم القيامه معاه
احمد محمد نبينا
هو حبيب الله
هات الورق والقلم
واوصف لي احوالك
واياك في يوم تعترض
ع الحظ والمكتوب
وارضي بنصيبك ياولد
ده كل شئ محسوب
ربك قسم لك نصيبك
ولا منه يوم مهروب
دايما تملي بتشكي
والسعي شئ مطلوب
واللي يصبر ينول
و الرزق شئ مقسوم
وارمي حمولك علي الله
ولا ترمي علي مخلوق
قادر يحقق رجاك
وتنول بقي المطلوب
واسمع كلام ربنا
م الذنب يالله توب
وانوي لفعل الخير
ولا تنوي لفعل ذنوب
واياك في يوم تعترض
ع القسمه و المكتوب
ده كل شئ ياولدي
علي الجبين مكتوب
كلمات الشاعر/السيد علي القن
ليست هناك تعليقات:
إرسال تعليق