يا قلبي مالك ومالها
دقاتك غريبة
فرحان بتتغنى بجمالها
لا عنك بتسأل
ولا جيت يوم عبالها
مال قلبي بهالدني
ومالها
مين متلك عاملها
حارس ع يمينها
وعشمالها
خدودها عطر فواح
والهوى يتمايل قبالها
لو تطلب الريح
توقف عبابها
ونور الشمس
تلفح بأهدابها
ونجم خجلان
يدغدغ اكتافها
والقمر يا ويلي
عالقمر شو جابها
ملح البحر
يحلى بلمساتها
مرجان وياقوت
رنة خلخالها
فانوس سحري
يشعل بغمزاتها
والمارد يبان
خادم قدامها
ودقاتك يا قلبي
مهرها ورسمالها
مهرها ورسمالها
بقلمي محمود عجور
ليست هناك تعليقات:
إرسال تعليق