((( خايفه ليه )))
انتي خايفه مني ليه
مستحيل انساكي يوم
او تشيلي يوم هموم
ما اتعاهدنا علي الحمول
مستحيل اقبل بغيرك
او اضحي بيكي يوم
انتي خايفه بس ليه
مهما كان انا حب عمرك
مهما كان انا شكلي شكلك
بس انسي انت مشاكلك
جوه مني عندي لوم
ليه ندخل حد بينا
ليه نفضفض يوم لغيرنا
واحنا عيشنا مستورين
الحياه مش حلوه زين
والحياه مش بس شين
عمر ما في شئ يدوم
لو تنام شايل هموم
اوعي تصحي عليها يوم
صفي قلبك من الغيوم
بكره كل الدنيا تحلي
و الحياه تروق و تحلي
هو ممكن شئ يدوم
كل شي يبدأ صغير
ألا في الحزن يحير
اصله في الحزن كبير
بس يوم عن يوم بيصغر
صدقيني انت اللي ليا
اغلي شئ ف الدنيا ديا
تعرفي انا مهما اقول
قلبي مليان ب الحمول
كنت خايف موت عليكي
أصل قلبي ملك ليكي
وان قالولك حب غيرك
يبقو قاصدين يخدعوكي
انت عمري وروحي فيكي
وانت اجمل شئ عنيكي
وانت اجمل شئ يا قمري
و انت شيالة الحمول
مستحيل اقدر ابيعك
أو في مره اقدر اخونك
او ابص يوم لغيرك
انت ناسيه اني طيرك
واني عمري ما الوف بغيرك
وان مهما اوصف شموخك
تشهد الدنيا دي ليكي
يشهد الحب عليكي
والليالي الحلوه بينا
وذكريات حلوه و جنه
عيشنا فيها سنين حياتنا
مستحيل تضيع في ثانيه
راجعي نفسك مره تانيه
واسمعي ها أقولك ايه
واسمعي ها اقولها كلمه
م الساعه دي انت ف عنيه
هابقي انسان من جديد
هابقي ألين من الحديد
بس لي رجاء وحيد
غيري في طبعك شويه
خفي حبه الغيره ديه
وابعدي حبه الظنون
ليه الشيطان يدخل مابينا
خلي كله حاجه بينا
مهما كانت صعبه الهموم
يطلع النهار تعوم
وامسحي دموعك تعالي
خبيى كل الدمع داري
اصل دمعك عندي غالي
وارجعي لقلبي و عيشي
مستحيل غيرك ماليشي
مستحيل زيك مفيشي
أنت اصلك موصوفه لي
ايوه انت مقسومه لي
كلمات الشاعر/السيد علي القن
ليست هناك تعليقات:
إرسال تعليق