قصيدة
(((( صوره ))))
دي صورة ابويا وامي
دول اغلي الناس عندي
مهما اقول عنهم واحكي
محفورين جوه ف قلبي
اغلي حد ف اغلي صوره
صورتك انت ايوه ياأمي
صوره تبقي بالف صوره
مين ياناس يساوي امي
امي دي اجمل حكايه
عايشه صابره للنهايه
عمرها ما شكت لحد
غير لرب الكون وربي
امي يا زينة النساء
امي ياسبحه وآيه
امي سجادة صلاة
للأله ف كل ساعه
عشت حامده للاله
عشت صابره ع البلاء
امي يا طوق للنجاه
ام ياصوره ف مرايه
حبك انت اغلي غايه
بوصلها وصي الاله
لما نحكي م البدايه
ليكي صوره جوه قلبي
حبها بيجري ف دمي
ويا ابويا اه وربي
اما ابويا حاجه تانيه
جوه قلبي احلي غنوه
كأنه ترياق للحياه
امي ابويا فاتنا ليكي
اصله أتشوق اليكي
لما جيتي خد ايديكي
قال يأبني امك ندتني
والاله طالب وديعته
رايح أرجع له امانته
منهااشوف امك وبنتي
قلت له السلام امانه
حتي بوسهم بين عنيهم
بوس لي كل حاجه فيهم
اصلهم وحشوني ياأبا
هناك هتلقي ناس عزاز
جوه قلبي بأمتياز
فاتو مية مليون علامه
السلام امانه ليهم
واوعدك هادعي ليكم
كل وقت وكل رقعه
وان قدرت أطوف واسعي
واعتمر ليك وليهم
واوعي تنسي انك ترورني
اصل هشتاق ان اشوفك
والمسك واسمع حروفك
وان قدرت تجيب لي امي
يبقي شيلت عني همي
نفسي اشوفها هي واختي
حتي اخدهم جوه حضني
والا اشيلهم جوه دمي
نفسي اتهني بجمالهم
ولا اسمع صوت كلامهم
نفسي ارجع دمع قلبي
اللي نزف دم عشانهم
يبكي م تاني ام اشوفهم
يبكي م تاني أم اشوفهم
كلمات الشاعر / السيد علي القن
ليست هناك تعليقات:
إرسال تعليق