غمض عنيك *** بقلم السيدابوطاحون
*********
غمض عنيك
وارسمني
في صورة الفرح
قلب
وسهمك
جه في قلبه انشرح
ولما شاف
اللي ف عيونك
مسك القصيده
وقام شرح
والمسك جود
واقترح نتوضى
في بحر المرح
غمض عنيك
رجعنا لايام الصبا
نظرة عنيك
لمسة ايديك
والقلب بيدق
دقات مرعبه
وملهلبه
تتقطع الانفاس
واحنا حاضنين حلمنا
جوه الجنينه
في بداية الموهبه
غمض عنيك
رجعنا لأيام
الجمال
والقلب دايب
م الدلال
ورج أوتاد
الجبال
دا مش خيال
افتح عنيك
وحياة عنيك
بلاش سفر
وبأعلى صوت
من فوق جبل
اصرخ :
بحبك
يا شط الحقيقه
و بستان الامل
كل الكنوز
ما تساوى
نظره
من عنيك
خلينا نبدأ من جديد
ما تقلش
جايز .. محتمل
وقول اكيد
وحياة عنيك
بلاش سفر
*********
#غمض_عنيك
#السيدابوطاحون
#الأخنوم
ليست هناك تعليقات:
إرسال تعليق