مُنَمْنِماتْ.. منْ خوابي المَحْكي.. // الشاعر والمبدع جمال خضور

قطفةشعر..زورق الليل)

مُنَمْنِماتْ.. منْ خوابي المَحْكي.. 

                  

قالْ:                  /1/

شو..!.. 

بدّو..يْوَشْوشْني..

وقرَّبْ تمّْو...

منْ خدّي...

ولَردّْ التنهيدة.. 

غِمَّضتْ عيوني...

غافلني..

وعَ صَدْرو..

ضَمْنِي..

بَوسة.. يا أكترْ..

ما بتْذَكَّرْ..

وبحْلِفْ يا إمي...

ماكانْ..قَصْدي...

ولا كانْ...

بدّْي...

  سوريا/جمال خضور

________________________

هالوردْ..            / 2/

ياللّي عَ خَدِّكْ..

حَيَّرْ العطّارْ..

ولاعِرِفْ..

شو بَدّو يحكي..

راحْ..

لَ شيخْ الكارْ..

يوصِفْ الوردْ..

ومنْ لَوعتو يشكي..

اتنهَّدْ الشيخْ..

وسَرْقتوا الأفكارْ..

ومنْ حَرْقتو عَ الوردْ..

صارْ يتنهَّدْ ويبكي..

      سوريا/جمال خضور

_________________________

أوَّلْ ماتْكَوَّنْ هالكونْ..  /3/

أسوَدْ كانْ.. 

ومافي لُونْ… 

جِيتي وصْبَغْتي الدنيا.. 

ولُوَّنْتي فينا لِعْيونْ.. 

ألَّلهْ مَدِّكْ.. 

تَ عَطاك ِ.. 

وصرْتِ.. 

هالحلمْ المجنونْ.. 

وُلَو زعْلِتْ.. 

مٌرّّا عيونِكْ.. 

بيرْجَعْ أسْوَدْ.. 

فينا الْكونْ… 

بيرْجَعْ أسْوَدْ… 

فينا الْكونْ… 

      سوريا/جمال خضور